id.agentics.uz

Agentics ID

Ishlaydi

Bitta hisob — HRM, Wash va WMS uchun. Parol Telegram orqali tiklanadi.

Kimga

Agentics ID — Agentics mahsulotlari oilasining yagona kirish eshigi. Xodim bir marta hisob oladi, HRM, Wash yoki WMS esa uni shu hisob bo’yicha taniydi. Login va parol bitta, kirish sahifasi bitta: id.agentics.uz. Har kompaniya o’z tashkiloti (tenant) ichida ishlaydi, ma’lumot boshqa kompaniya bilan hech qachon aralashmaydi.

Rollar har mahsulot uchun alohida beriladi: bir odam omborda administrator, kadrlar tizimida oddiy xodim bo’lishi mumkin. Rolni Agentics emas, kompaniyaning o’z rahbari beradi — mahsulot ichidagi «Kirish hisoblari» sahifasida. Xodimni qo’lda qo’shish (bir martalik vaqtinchalik parol bilan) yoki taklif havolasini yuborish mumkin: xodim Telegram botda raqamini tasdiqlaydi, rahbar so’rovni rolini tanlab tasdiqlaydi. Xodim ketganda bir tugma bilan olib tashlanadi.

Parol muammosi Telegram bilan yopiladi. @AgenticsIdBot ga bir marta telefon ulanadi, shundan keyin «Parolni unutdim» tugmasi 6 xonali kodni botga yuboradi — rahbarga yoki Agentics’ga murojaat qilish shart emas. Xohlasa xodim parolsiz, faqat kod bilan kiradi. Kod 5 daqiqa amal qiladi, uch xato urinishdan keyin bekor bo’ladi, parol tiklangach boshqa qurilmalardagi sessiyalar yopiladi.

Natija — umumiy parollar va «kassa1» kabi shaxssiz hisoblar yo’qoladi: har amal aniq odamga bog’lanadi. Kirish, xato urinish, blok, kod yuborilishi, parol almashishi va Telegram ulanishi audit jurnalida qayd etiladi. Hisob ma’lumotlari faqat id.agentics.uz da kiritiladi, mahsulot ilovalari parolni hech qachon ko’rmaydi.

Agentics mahsulotlaridan foydalanuvchi har bir kompaniya

Imkoniyatlar

Yagona kirish (OIDC)

Bitta login va parol barcha Agentics ilovalari uchun. OIDC standarti; parol faqat id.agentics.uz da kiritiladi.

Har mahsulotda o’z roli

Rol tashkilot va mahsulot bo’yicha alohida: WMS’da administrator, HRM’da xodim. Rollarni mahsulot o’zi e’lon qiladi.

Tashkilotlar ajratilgan

Har kompaniya o’z tenantida. Kirish faqat so’ralgan mahsulot va tashkilot huquqlarini beradi.

Rahbar o’zi boshqaradi

«Kirish hisoblari» sahifasida rahbar xodim qo’shadi, rol beradi, parol tiklaydi — Agentics’ga murojaatsiz.

Taklif havolasi

Rahbar havola yuboradi, xodim botda raqamini tasdiqlaydi, rahbar so’rovni rol bilan tasdiqlaydi. 7 kun amal qiladi.

Parolni Telegram orqali tiklash

@AgenticsIdBot ga ulangan raqamga 6 xonali kod keladi: 5 daqiqa, 3 urinish. Tiklangach boshqa sessiyalar yopiladi.

Parolsiz, kod bilan kirish

Telefon raqami va Telegram’ga kelgan kod — parol kerak emas. Kirish kodi va tiklash kodi o’rin almashmaydi.

Sessiya nazorati va audit

5 xato paroldan keyin vaqtinchalik blok; parol almashsa sessiyalar uziladi. Kirish, kod va Telegram hodisalari auditda.

Foydalanuvchi qo’llanmasi

PDF qo’llanmada kundalik ish, rollar va Telegram bot bilan ishlash qadam-baqadam tushuntirilgan.

PDF yuklab olish PDF · o’zbek tilida

Skrinshotlar

bosilganda kattalashadi

Bu mahsulotga id.agentics.uz hisobingiz bilan kirasiz — boshqa Agentics mahsulotlari uchun ham shu hisob. Parol tiklash va xodim taklifi — Telegram’dagi @AgenticsIdBot orqali.

Boshlash

Narx — so’rov bo’yicha

01
Demo
30 daqiqalik onlayn ko’rsatuv — sizning jarayoningiz misolida, savollaringiz bilan.
02
Sinov
14 kun bepul: o’z ma’lumotingiz va jamoangiz bilan, majburiyatsiz.
03
Hisob ochamiz
Kompaniya uchun tenant ochamiz, rollarni sozlaymiz, mavjud ma’lumotni ko’chiramiz, xodimlarni Agentics ID’ga ulaymiz.